Ditën e sotme mbushe plotë një vit që nga vrasja e Klodian Rashës nga efektivi i policisë, Nevaldo Hajderaj vetëm për shkakun se 25 vjeçari kishte shkelur orën policore. Plaga e marrë nga arma e zjarrit rezultoi fatale për të riun i cili ndërroi jetë në vend.

Ndërsa në të gjithë vendin shpërthyen protesta nga qytetarët, sot janë ndezur qirinj për kujtimin e Klodian Rashës dhe një prej qytetarëve ka rrëfuer se ende sot pas një viti u vinin fletë-thirrje nga policia për 326 të rinj që ishin përfshirë në protesta.

Një prej qytetarëve:

Sot jetojmë me fenomenin Klodian Rasha sepse edhe sot pas një viti që prej vrasjes së tij, ende na vijnë fletë-thirje nga gjykata jo vetëm për mua por edhe për 326 të rinj të cilët u proceduan dhe u dhunuan u morën peng nga policia e shtetit. Por mendoj se veprimi i policit Nevaldo Hajdëraj ishte një shpërthim i cili nuk ndodhte vetëm tek ai por edhe tek policë të tjerë të cilët në mënyrë militanteske ishin punësuar në strukturat e policisë së shtetit. Mos të harrojmë se edhe ata policë të rinj të cilët janë punësuar janë më së shumti kordinatorë fushatash sesa persona të trajnuar për atë detyrë.