Drejtori i Përgjithshëm i Burgjeve, Klevis Qose, po merr pjesë në Konferencën Vjetore të ICPA 2024, e cila po zhvillohet në Singapor nga data 1 deri më 6 shtator 2024. Kjo konferencë ndërkombëtare, e organizuar nga Shërbimi i Burgjeve të Singaporit, mbledh drejtues ekzekutivë, profesionistë dhe ekspertë nga e gjithë bota për të diskutuar mbi temën “Mundësimi i Qëndrimit: Përtej Recidivizmit.”
Gjatë kësaj konference të rëndësishme, z. Qose ka zhvilluar takime të frytshme me disa prej përfaqësuesve më të lartë të ICPA, përfshirë Presidentin Peter Severin dhe Drejtoreshën Ekzekutive Natalie Boal, si dhe me homologen e tij në Singapor, Shie Yong Lee. Këto takime kanë shërbyer për të thelluar bashkëpunimin ndërmjet institucioneve dhe për të shkëmbyer përvoja të rëndësishme mbi praktikat dhe risitë në fushën e sistemit penitenciar.
Këto takime kanë shërbyer për të thelluar bashkëpunimin ndërmjet institucioneve dhe për të shkëmbyer përvoja të rëndësishme mbi praktikat dhe risitë në fushën e sistemit penitenciar. Gjatë këtyre diskutimeve, Shqipëria është ftuar të aplikojë për t’u bërë anëtare në Shoqatën Ndërkombëtare të Burgjeve (ICPA)’ informon zyra e shtypit.
Në kuadër të këtyre diskutimeve, Shqipëria është ftuar të aplikojë për t’u bërë anëtare në Shoqatën Ndërkombëtare të Burgjeve (ICPA), një hap që pritet të fuqizojë më tej rolin e Shqipërisë në komunitetin ndërkombëtar në sistemin e burgjeve. Kjo anëtarësi do të ndihmojë në shkëmbimin e përvojave dhe praktikave më të mira me vendet e tjera anëtare, duke kontribuar në përmirësimin e sistemit korrektues në Shqipëri.
Takimet me z. Severin dhe zj. Boal kanë qenë një mundësi për të diskutuar sfidat dhe mundësitë që lidhen me recidivizmin, si dhe për të eksploruar rrugë të reja për përmirësimin e sistemeve korrektuese. Z. Qose ka vlerësuar rolin kyç të ICPA në promovimin e qasjeve të reja dhe efektive në drejtësi, duke theksuar rëndësinë e bashkëpunimit ndërkombëtar për arritjen e qëllimeve të përbashkëta.
