Në një rrëfim emocionues dhe mes lotësh, Drenusha Latifi ka hapur zemrën për jetën dhe vështirësitë që ka kaluar gjatë emisionit “Big Brother VIP Kosova”. Ajo ka folur për humbjen e babait të saj kur ishte vetëm në adoleshencë, një ngjarje që e ka shoqëruar me periudha depresive dhe ka ndikuar thellë në jetën e saj. “E kam pasur një fazë të vështirë, depresive. Unë jam rritur mirë deri në moshën 12 vjeçe dhe ka qenë shumë e rëndë për mua. Nuk e kam pranuar asnjëherë që ka vdekur. Ai ka qenë gjithçka për mua,” shprehu Drenusha, e prekur nga emocionet.
Drenusha ka folur gjithashtu për jetën e saj personale dhe sfidat që ka kaluar gjatë marrëdhënies dhe martesës me ish-bashkëshortin Atilla Kardesh. Ajo tregoi se, pas një periudhe të vështirë ku partneri i saj ishte në burg, ajo ka kaluar në kushte të rënda dhe ka pasur vështirësi ekonomike. “Njerëzit mendojnë se shtetet e Evropës ofrojnë të gjitha mundësitë, por më kanë dhënë vetëm hotele. E vuaj atë pjesë,” tha Drenusha.
Për më tepër, ajo rrëfeu se ndarja nga ish-bashkëshorti kishte pasuar një periudhë të vështirë për djalin e saj, Zaku, i cili kishte filluar të manifestonte sjellje agresive. Drenusha gjithashtu tha se ish-partneri e kishte akuzuar për ndarjen, duke i dhënë një tjetër dimension të dhimbshëm këtij procesi.
Në fund, Drenusha u shpreh: “Jam gruaja më me zë e momentit. E di që ka shumë gra sikurse unë, por jam gruaja më me zë e momentit.” Ky rrëfim prekës ka lënë një ndikim të thellë te shikuesit dhe ka bërë që Drenusha të jetë një figurë shumë e komentuar në media dhe shoqëri.
