Këngëtarja me origjinë shqiptare, Dua Lipa, ka pësuar një lëndim gjatë turneut të saj në Shtetet e Bashkuara, duke shqetësuar fansat e saj.

Sipas mediave britanike, 30-vjeçarja është kontrolluar nga një radiolog, i cili i dha dritën jeshile për të vazhduar performancat. Ajo është fotografuar me mavijosje të dukshme në shpatull, por incidenti ka ndodhur gjatë një momenti pushimi dhe nuk ka ndikuar në programin e koncertit.

Një burim i afërt me këngëtaren tha:

“Ka qenë e dhimbshme, por pasi u kontrollua nga një radiolog, ajo është në gjendje të mirë. Turneu do të vazhdojë pa asnjë problem.”

Dua do t’i nënshtrohet gjithashtu fizioterapisë për t’u rikuperuar plotësisht, ndërsa të gjitha koncertet do të zhvillohen sipas planit.

Fansat mund të qetësohen: turneu vazhdon dhe ylli i popit do të rikthehet fuqishëm në skenë.