Mbrëmjen e djeshme, 11 emigrantë të paligjshëm janë arratisur nga Qendra e Pritjes në Karreç, Durrës. Ngjarja ka ngritur shqetësime mbi sigurinë dhe mbikëqyrjen në këtë qendër, e cila ndodhet nën kontrollin e policisë.

Ende nuk dihet nëse emigrantët kanë patur ndihmë nga brenda apo jashtë qendrës për të realizuar arratisjen. Autoritetet kanë nisur menjëherë hetimet dhe po vijojnë kërkimet për kapjen e tyre.

Për ketë arsye mësohet se AMP ka nisur një hetim brenda qendrës ku janë marrë në pyetje efektivët që kanë qenë në shërbim gjatë momentit kur ka ndodhur arratisja.

Të gjithë këta persona janë te kapur me herët nga autoritetet shqiptare në tentative për te kaluar ilegalisht ndihmuar edhe nga grupe kriminale që merren me trafikimin e emigrantëve të paligjshëm.

Qendra ka qëllim strehimin e të huajve të parregullt ne territorin e Republikës së Shqipërisë, ndaj te cilëve është marrë nje masë ndalimi ne përputhje me legjislacionin ne fuqi, individë të ndaluar per kalim të paligjshëm kufiri, si edhe azilkërkues potenciale.

Qendra e mbyllur është nje strukture ne varësi te Drejtorisë se Migracionit, pjesë e Departamentit per Kufirin dhe Migracionin, ne Drejtorinë e Përgjithshme te Policisë së Shtetit.