Policia e Durrësit ka finalizuar një operacion për kapjen e autorit të disa vjedhjeve të ndodhura gjatë këtij muaji. Francesko Selishta, 31 vjeç, banues në Durrës, është arrestuar si i dyshuar për katër raste të vjedhjeve të kryera në banesa dhe biznese.

Sipas hetimeve paraprake, 31-vjeçari ka kryer vjedhje si më poshtë:
•Më 2 shkurt, ka vjedhur para nga kasa e një marketi në lagjen nr. 15.
•Më 7 shkurt, ka vjedhur bateri automjetesh, vegla pune dhe një biçikletë, në pronësi të tre shtetasve.

Gjatë operacionit, policia sekuestroi disa nga sendet e vjedhura. Hetimet vijojnë për të zbuluar nëse ai është i përfshirë në raste të tjera vjedhjesh në qytet.

Materialet procedurale i janë referuar Prokurorisë pranë Gjykatës së Shkallës së Parë Durrës, për veprime të mëtejshme.