Rreth orës 02:10 të mesnatës së kaluar dy automjete janë përfshirë nga flakët në lagjen “Emin Matraxhiu”, në qytetin e Elbasanit.

Automjetet  Land Rover dhe Volsvagen janë në pronësi të shtetasit Kujtim Kasnaci, pronar i një pikë shumicë.

Dyshohet për zjarrvënie të qëllimshme, ndërsa pronari i mjeteve automjeteve ka si biznes një minimarket. Nga hetimi paraprak, bazuar edhe në pamjet e siguruara nga kamerat e shtëpisë së pronarit të automjeteve, që u dogjën, dallohen në oborrin e banesës të paktën dy persona me kapele, që i spërkasin mjetet me benzine dhe me pas të dyja përfshihen nga flaket.

Ndërkohë policia dhe grupi hetimor po punojnë për zbardhjen e ngjarjes.