VLORË – Dy automjete u përfshinë nga flakët në orët e para të mëngjesit të sotëm në lagjen “Isa Boletini”.

Sipas burimeve, zjarri ka nisur fillimisht në një makinë tip “Suzuki”, ndërsa më pas është përhapur edhe në një “Audi” të parkuar pranë saj.

Në vendngjarje ndërhynë menjëherë forcat zjarrfikëse, të cilat arritën të shuajnë flakët dhe të parandalojnë përhapjen e zjarrit në automjete të tjera.

Policia e Vlorës ka nisur hetimet për të përcaktuar nëse ngjarja është rezultat i një defekti teknik apo djegie e qëllimshme.