Në Elbasan janë identifikuar dy raste të reja me “Ethet e Nilit.” Të prekurit janë dy banorë nga fshatrat Bujqës dhe Jagodinë, të moshës 45 dhe 74 vjeç. Pas analizave të kryera, është konfirmuar se të dy personat janë infektuar me virusin. Sipas burimeve spitalore, pacientët janë jashtë rrezikut për jetën.

Menjëherë pas zbulimit të rasteve, janë ndërmarrë masa për dezinfektimin e zonave të prekura, duke përfshirë familjet e të infektuarve dhe kontejnerët e mbetjeve urbane, si dhe mjediset përreth.