Dy të dyshuarit për abuzimin seksual të një 16-vjeçareje, Marsel Baçi dhe Selam Hyka, priten të dalin sot në orën 13:00 para Gjykatës së Korçës për t’u njohur me masën e sigurisë. Sipas burimeve nga grupi i hetimit, vajza nga fshati Leminot kishte krijuar një grup në rrjetet sociale ku komunikonte me disa meshkuj. Marsel Baçi ka pranuar se ka kryer marrëdhënie seksuale me vajzën, por ka pretenduar se kjo ndodhi me dëshirën e saj.
Adoleshentja, ndërkohë, ka akuzuar Baçin dhe Hykën për shfrytëzim prostitucioni dhe marrëdhënie seksuale me dhunë. Nëna e minorenes ka deklaruar se grupi i personave që kanë kryer marrëdhënie seksuale me vajzën e saj mund të jetë më i madh se dy. Nga ana tjetër, familjarët e Marsel Baçit kanë pranuar se djali i tyre ka komunikuar prej disa kohësh me vajzën, ndërsa familja e Selam Hykës ka kundërshtuar akuzat se ai ka kryer marrëdhënie seksuale me dhunë me minorenen.
