Dy vëllezër të moshave 19 dhe 17 vjeç janë arrestuar dhe shpallur në kërkim pas një ngjarjeje ku kanosën me armë zjarri xhaxhanë e tyre në fshatin Bubq, Krujë. Sipas njoftimit të policisë, dyshimet janë se vëllezërit e kanë kërcënuar xhaxhanë e tyre për të tërhequr kallëzimin që kishte bërë ndaj tyre për mashtrim.

Në kuadër të operacionit policor të koduar “Prevention”, forcat e rendit kanë arrestuar 19-vjeçarin, F. M., dhe kanë shpallur në kërkim vëllanë e tij 17-vjeçar. Gjatë kontrollit, është sekuestruar një armë zjarri kallashnikov, që dyshohet të jetë përdorur në kanosjen ndaj xhaxhait të tyre. Policia po vazhdon hetimet për të zbardhur plotësisht rrethanat e ngjarjes.