Një shtetas shqiptar i identifikuar si Edevaldo Haxhiu është arrestuar nga policia, pasi dyshohet se ndihmoi bosin turk të kriptomonedhave Fatih Özer të arratisej.
Fatih Özer u arratis në muajin prill nga Shqipëria dhe është në kërkim nga Interpol për shkëmbimin e parave kripto Thodex.
Haxhiu, është i dyshuari kryesor në hetim, u kap dhe u arrestua nga policia e Tiranës në orën 00:30 të ditës së djeshme, raportojnë mediat turke.
Dyshohet se ai e kishte marrë turkun nga Aeroporti “Nënë Tereza” dhe e kishte sjellë në hotel, ku e ndihmoi të fshihej. Haxhiu i ka hedhur poshtë akuzat e ngritura ndaj tij gjatë seancës së marrjes në pyetje.