Marian Pepa, 52-vjeçari shqiptar i arrestuar për vrasjen e bashkatdhetarit të tij Artan Kaja në Itali, ka pranuar autorësinë e krimit. Pas arrestimit, ai u shpreh se nuk e shqetësonte dënimi, por dëshironte të paguante për veprën e tij, duke thënë “E bëra, nuk më intereson sa është dënimi, dua të paguaj”.

Vrasja e Artan Kajas, i njohur si “Toni”, u raportua fillimisht si një humbje jete natyrale, pasi u gjet i pajetë nga bashkëshortja e tij më 7 janar në fabrikën e tij. Pas hetimeve të mëtejshme, u zbuluar se Kaja ishte vrarë me armë zjarri, ndërsa autor i dyshuar është Marian Pepa, i cili kishte njohuri të ngushta me të.

Pepa, sipas hetuesve, kishte planifikuar me kujdes hyrjen në fabrikë për të kryer vrasjen, por ende nuk është sqaruar motivi i ngjarjes. Dyshohet se muajt e fundit dy shqiptarët kishin pasur një mosmarrëveshje, dhe kjo mund të ketë lidhje me krimin. Arma e krimit ende nuk është gjetur, por Pepa pritet të merret në pyetje për të zbuluar më shumë detaje rreth ngjarjes dhe motivit të vrasjes.