Kate Cassidy, e dashura e Liam Payne, ka thyer heshtjen për herë të parë pas vdekjes tronditëse të ish-yllit të One Direction më 16 tetor 2024.

Në një intervistë ekskluzive për The Sun, Kate rrëfeu mes lotësh momentet e fundit me Liam-in dhe tronditjen që përjetoi kur mori lajmin tragjik.

Ajo ndodhej me të në ditët e fundit përpara aksidentit fatal në Argjentinë, por ishte kthyer në Florida vetëm dy ditë para se Liam të ndërronte jetë, duke rënë nga ballkoni i dhomës së tij të hotelit në katin e tretë.

“Ishte një aksident tragjik,” tha Kate, duke shtuar se nuk mund ta imagjinonte që ai do të vdiste aq i ri. “Ne kishim qenin tonë dhe kurrë nuk e kisha menduar se kjo do të ndodhte.”

Ajo tregoi gjithashtu se e mësoi lajmin e kobshëm nga një prej miqve të Liam-it ndërsa ndodhej në shtëpi me qenin e tyre, Nala. Fillimisht, mendoi se ishte një mashtrim mizor, por një ndjesi e keqe i tha se mund të ishte e vërtetë.

Që nga ajo ditë, Kate ka telefonuar shpesh numrin e Liam-it vetëm për të dëgjuar mesazhin e tij zanor. Ajo ka liruar pronën që ndanin në Florida dhe është kthyer në vendlindjen e saj në New Jersey, duke u përpjekur të gjejë paqe pas humbjes së rëndë.

Në mesazhet e fundit që i kishte dërguar, Kate tregoi se kishte dekoruar shtëpinë e tyre për Halloween, por fatkeqësisht, Liam nuk pati mundësinë ta shihte kurrë.