Sot, në rrjetet sociale ka qarkulluar një video ku një grua shihet duke thyer disa makina me çekiç, ndërsa dëgjohet të thotë, “e ke lënë keq, thirre policinë”. Në lidhje me këtë ngjarje, zëdhënësja e policisë për rajonin e Prishtinës, Flora Ahmeti, ka dhënë detaje për Telegrafin.

https://vm.tiktok.com/ZMrqDAY1o/

Ahmeti ka konfirmuar se, sapo policia mori informacion për incidentin që ndodhi në Fushë Kosovë, u morën masa të menjëhershme. Ajo sqaroi se është arrestuar personi i dyshuar, i cili është dërguar për trajtim mjekësor në Qendrën Klinike Universitare të Kosovës (QKUK) pasi kishte pësuar lëndime dhe për ekzaminim psikiatrik.

“Rreth orës 10:00, kemi pranuar informacionin për dëmtimin e tri automjeteve në rrugën ‘Xhemajl Mustafa’ në Fushë Kosovë. Policia ka arrestuar menjëherë personin e dyshuar, e cila është dërguar në QKUK për trajtim mjekësor dhe ekzaminim psikiatrik. Ndaj të dyshuarës B.M, një femër, është hapur rast për veprën penale ‘Asgjësimi apo dëmtimi i pasurisë’. Pas përfundimit të trajtimit mjekësor, do të kryhen procedurat e nevojshme hetimore në koordinim me prokurorinë,” ka thënë Ahmeti.