Luizi Ejlli është shprehur disa herë që në “Big Brother Vip” ka hyrë me synimin për të fituar. Mirëpo ky synim i tij ishte parësor deri në momentin që pa Kiara Titon brenda shtëpisë dhe “ra në dashuri”.

Edhe vetë këngëtari është shprehur se nëse do t’i duhet të zgjidhte midis lojës dhe Kiarës do të zgjidhte këtë të fundit. Së fundmi Luizi është ulur dhe ka biseduar me moderatoren, ku i ka thënë shumë qartë që tek ai është si “thembra e Akilit”.

Këngëtari madje i ka kërkuar Kiarës të distancohet nga debatet e banorëve të cilët po e përdorin për të sulmuar atë.

Luizi i kërkoi Kiarës që të sillet si Efi, që sipas tij, nuk ndikohet nga fjala e të tjerëve dhe vazhdon e qetë lojën e saj. Ai i tha Kiarës që mos të ndihet keq për asgjë, pasi nëse ajo nuk është mirë, ashtu do të ndihet edhe ai. Nga ana tjetër, Kiara tha se në këtë situatë ndihet keq dhe e vetme, kur ai e vë në siklet me disa situata.

“E vetmja pikë e dobët e imja në këtë shtëpi je ti. Nuk kam asnjë. Je thembra e Akilit, ose merre si të duash. E vetmja gjë që më bën të dal në ekstrem është nëse shikoj që je prekur, je cënuar ti. Ta kërkoj me shpirt të jesh e ftohtë, t’i injorosh dhe mos t’u kthesh përgjigje fare,”-ka shtuar Luizi.