Eklipsi i plotë i diellit do të ndodhë këtë të hënë në Amerikën e Veriut, një fenomen i rrallë që nuk ka ndodhur për shtatë vjet. Ky eklips do të përshkojë një rrugë prej 115 miljesh në pjesë të Meksikës, Shteteve të Bashkuara dhe Kanadasë. Rreth 31 milionë amerikanë dhe miliona turistë po presin këtë fenomen për të shijuar pamjen e tij spektakolare, ndërsa një total prej 300 milionë njerëz do të kenë mundësinë të shohin një eklips të pjesshëm. Eklipsi diellor do të zgjasë rreth 4 minuta dhe 28 sekonda.

Për të parë eklipsin diellor në mënyrë të sigurt, NASA sugjeron që të mos e shikoni Diellin përmes lenteve të kamerave, teleskopëve, dylibëve ose pajisjeve optike të tjera, pasi kjo mund të shkaktojë dëmtime serioze të syve. Eklipsi duhet të shihet vetëm kur hëna bllokon plotësisht diellin dhe krijon errësirë të plotë.

Pas këtij eklipsi, eklipsi i ardhshëm total diellor në Amerikën e Veriut do të ndodhë më 23 gusht 2044. Ndërsa ky eklips do të ketë një shtrirje më të ngushtë, duke përfshirë vetëm tre shtete dhe fillimin në Grenlandë, duke kaluar në Kanada dhe përfundimin në perëndim të diellit në Montana, Dakota e Veriut dhe Dakota e Jugut.