Sergei Hasanapapa është ekstraduar nga Belgjika drejt Shqipërisë, ku do të përballet me drejtësinë për akuzat që rëndojnë ndaj tij. Ai dyshohet si i përfshirë në vrasjen e Bledar Muçës, ngjarje e ndodhur më 22 janar 2022 në Aartselaar.
Sipas hetimeve, Hasanapapa konsiderohet pjesë e skemës kriminale që çoi në ekzekutimin e Muçës në Belgjikë. Autoritetet shqiptare dhe ato belge kanë bashkëpunuar në kuadër të procedurave ligjore për transferimin e tij.
Bledar Muça rezulton i përfshirë në sagën e përplasjeve kriminale në Elbasan dhe njihej si mik i familjes Çapja, një emër i lakuar në disa episode të rënda kriminale ndër vite. Hetimet për zbardhjen e plotë të ngjarjes vijojnë.
