Një ngjarje e rëndë ka ndodhur mbrëmjen e sotme në qendër të Shkodrës, pranë shatërvanit, ku dy të rinj janë plagosur me thikë gjatë një konflikti të çastit. Sipas informacioneve paraprake, të dy të plagosurit janë adoleshentë: Enis Preza, 19 vjeç, dhe një 17-vjeçar.

Të rinjtë u transportuan menjëherë në Spitalin Rajonal Shkodër dhe aktualisht ndodhen jashtë rrezikut për jetën.

Policia ka shkuar menjëherë në vendngjarje dhe po punon për identifikimin dhe kapjen e autorëve. Grupi hetimor, nën drejtimin e Prokurorisë, vijon hetimet për sqarimin e plotë të rrethanave të ngjarjes.