Akil Qeleposhi, i dënuar me rreth 2 vjet burgim për armëmbajtje pa leje, është ekstraduar nga Gjermania në Shqipëri. Sipas njoftimit të policisë, ekstradimi u finalizua falë bashkëpunimit ndërkombëtar mes Interpol Tiranës dhe Interpol Wiesbaden, dhe Qeleposhi mbërriti në Shqipëri nga Frankfurti.

Në vitin 2022, Gjykata e Apelit të Shkodrës e kishte dënuar Qeleposhin, 33 vjeç, me 23 muaj e 7 ditë burg për veprën penale “Mbajtja pa leje dhe prodhimi i armëve, armëve shpërthyese e municionit”. Ngjarja që çoi në dënimin e tij ndodhi në vitin 2020, kur gjatë një kontrolli në një lokal në Bajram Curri, policia gjeti me Qeleposhin një pistoletë dhe municion luftarak. Në banesën e tij, u zbuluan gjithashtu një kallashnikov dhe municion luftarak.

Pas ekstradimit, Qeleposhi iu dorëzua Drejtorisë së Përgjithshme të Burgjeve për veprime të mëtejshme procedurale.

Ekstradohet nga Gjermania, një shtetas i dënuar në vitin 2022, nga Gjykata e Apelit e Shkodrës, me rreth 2 vjet burgim, për posedim pa leje, të 2 armëve të zjarrit. Si rezultat i bashkëpunimit të Interpol Tiranës me Interpol Ëiesbaden, u finalizua ekstradimi nga Frankfurti në Shqipëri i shtetasit Akil Qeleposhi, 33 vjeç, lindur në Bajram Curri. Gjykata e Apelit e Shkodrës, në vitin 2022 e ka dënuar këtë shtetas, me 23 muaj e 7 ditë burgim, për veprën penale “Mbajtja pa leje dhe prodhimi i armëve, armëve shpërthyese e municionit”, pasi:

Gjatë një kontrolli në një lokal në Bajram Curri, në vitin 2020 Policia i gjeti me vete 1 pistoletë dhe municion luftarak, ndërsa në banesë i gjeti 1 kallashnikov dhe municion luftarak. 33-vjeçari iu dorëzua Drejtorisë së Përgjithshme të Burgjeve, për veprime të mëtejshme procedurale.