Një ngjarje e rëndë ka ndodhur pasditen e kësaj të marte në Elbasan. Një 64-vjeçar banues në fshatin Shushicë ka ndërruar jetë pasi kolona e banesës ku po sistemonte disa materiale ndërtimi është shembur dhe e ka zënë poshtë. Si pasojë 64-vjeçari nuk ka mundur t’u shpëtojë plagëve të marra.
“Elbasan/Informacion paraprak Më datë 12.03.2024, rreth orës 16:10, në fshatin Shushicë, shtetasi F. F., 64 vjeç, gjatë kohës që ka qenë duke sistemuar disa materiale ndërtimi, në banesën e pabanuar dhe të amortizuar, në pronësi të kunatit të tij (burrit të motrës), është shembur një kolonë e banesës. Si pasojë 64-vjeçari është dëmtuar dhe ka humbur jetën”, njofton policia.
Grupi hetimor po punon për sqarimin e rrethanave të ngjarjes.
