Silvana Bushati është fermerja e eliminuar nga spektakli Ferma VIP, pas përballjes së saj me Albën në televotim. Moderatorja Luana Vjollca njoftoi vendimin e publikut përmes zarfit:
“Publiku ka vendosur, fermerja që lë garën është Silvana.”

Largimi i Silvanës erdhi si një befasi për shumë ndjekës të spektaklit, pasi ajo është njohur për karakterin e fortë, qëndrimet e drejtpërdrejta dhe gatishmërinë për të përballuar sfida, cilësi që e bënë një prej konkurrenteve më të spikatura të edicionit.

Pavarësisht eliminimit, Silvana ka lënë një gjurmë të dukshme në fermë dhe në publikun që e ka ndjekur. Rrjeti tashmë është mbushur me reagime që shprehin mbështetje dhe keqardhje për largimin e saj të papritur.