Miliarderi i teknologjisë Elon Musk ka deklaruar se do të ndalojë përdorimin e pajisjeve Apple në kompanitë e tij, pasi prodhuesi i iPhone njoftoi një partneritet me OpenAI, krijuesin e ChatGPT.

“Nëse Apple integron OpenAI në nivelin OS, atëherë pajisjet Apple do të ndalohen në kompanitë e mia. Kjo është një shkelje e papranueshme e sigurisë”, tha Musk, pronari i platformës së mediave sociale X (ish-Twitter).

“Dhe vizitorëve do t’u kontrollohen pajisjet e tyre Apple në derë, ku do të ruhen në një ‘kafaz’”, shtoi Musk, i cili është gjithashtu CEO i prodhuesit të automjeteve elektrike Tesla dhe prodhuesit të raketave SpaceX.

Deklaratat e tij erdhën pasi Apple njoftoi të hënën se po bashkëpunon me OpenAI për të integruar ChatGPT në asistentin zanor Siri.