Policia greke ka bërë publike fotot dhe identitetin e dy shqiptarëve të arrestuar në gusht të këtij viti në Selanik.

Kastriot Haxhi Kryemadhi, 29-vjeç nga Prrenjasi dhe Rigels Dritan Upe, 22-vjeç, nga Pogradeci akuzohen për 11 grabitje me armë në dyqane dhe grabitjen e një banese.

Ata dyshohet se kanë grabitur një sërë shtëpishë në Ano Poli, Toumpa, Kalamaria, Sykeon, Polikini dhe Evosmo. Gjatë arrestimit atyre iu gjetën, një pistoletë TT dhe një thikë.

Të dhënat janë publikuar me urdhër të prokurorit me qëllim identifikimin e tyre nga të tjerë shtetas që mund të kenë rënë pre e grabitjeve.