Një i ri shqiptar në Itali, ka ndërruar jetën 2 ditë pasi kishte rënë nga një lartësi e madhe.

Siç shkruajnë mediat italiane, Saimir Thartori, 23 vjeç ishte aksidentuar gjatë punës.

Ai kishte rënë nga 8 metra lartësi, duke marrë plagë e shembje të shumta.

Ngjarja e rëndë ka ndodhur në provincën e Zevios, në Verona, Itali.

Ai ishte dërguar në gjendje të rëndë në spital, por sipas mjekëve shanset për të shpëtuar ishin të pakta.

Për dy ditë i riu luftoi me vdekjen, por më pas fatkeqësisht e humbi betejën, shkruajnë mediat e vendit fqinj.