Spikerja e njohur e lajmeve, Ola Bruko, dhe këngëtari nga qyteti i serenatave, Endri Prifti, kanë folur së fundmi në një intervistë për dashurinë e tyre, artin, projektet dhe planet për të ardhmen.

Gazetarja ka zbuluar momentin e veçantë kur lindi dashuria për këngëtarin korçar dhe ka rrëfyer për paragjykimet që kanë përballuar në lidhjen e tyre, ndërkohë që askush nuk ka ditur të vërtetën pas saj.

“Ne njiheshim nga larg dhe kur nisëm të bashkëpunonim, nisëm të njiheshim më shumë. Ne u lidhëm nga fundi. Ai program do të rikthehet sepse publiku e do shumë. E njoha Endrin si askush nuk e njeh. Endri ishte një njeri solar, me halle, por i qeshur. Asnjëherë nuk ka folur për to. E kanë paragjykuar për stilin e jetesës dhe askush nuk e ka njohur shpirtin e tij. Si zemra e tij nuk ka në dynja. Endri është i vërtetë. Edhe kur bën një gabim, ai e thotë pa iu dridhur qerpiku. Nuk ka një të dytë artist si Endri. Jemi gjykuar në fillimet tona. Shqiptarët flasin për ty pa e ditur kush je. Mua më gjykuan që po le burrin dhe kalamajtë për Endrin. Unë kisha një histori që mbaroi. Kur jam lidhur me Endrin nuk kam qenë në asnjë raport tjetër. E vlerësoj besnikërinë dhe dashurinë në një raport.” – tha Ola.