Erion Isai ka bërë një deklaratë publike ku tregon se ka kryer operacione estetike në hundë dhe veshë. Pavarësisht se fillimisht kishte filluar këto ndërhyrje për arsye estetike, ai zbuloi se ishte e nevojshme për shëndetin e tij, pasi kishte një bllokim në rrugët e frymarrjes.

Isai shprehet se është një person shumë i kujdesshëm për shëndetin dhe citon një mik të tij, Besin, i cili thotë se ai janë “dëshmia e gjallë e transformimit nga majmuni në njeri”.

Ai gjithashtu pohon se është ndjerë i bullizuar nga lajmet që kanë qarkulluar për ndërhyrjet e tij dhe ka njoftuar se do të marrë masa ligjore për të mbrojtur integritetin e tij. Në këtë kontekst, Isai shprehet kundër bullizmit në vend, duke e vlerësuar si frikshëm dhe duke theksuar se do të merret me këtë çështje përmes rrugëve ligjore.

“Nuk i lexoj fare portalet. Nuk më vrasin goditjen nën brez. Bullizimi në këtë vend është frikshëm them ndonjëherë ku po i rris vajzat. Ke portale që ta marrin surratin ta plasin dhe të komentojnë siç i do qejfi… kush është liria e medias? Të komentosh si të duash? Nuk kam frikë që nesër pasnesër vajzat e mia të lexojnë komente nëpër portale pasi kam marrë një vendim që kur ta mbyll këtë cikël politik me avokatë do ta fitoj këtë betejë me portalet që online mos të jetë asnjë qelbusillëk që nuk ka lidhje me angazhimin tim politik”,-tha ai ndër të tjera.