Zëvendëspresidentja e Partisë së Lirisë, Erisa Xhixho, në një deklaratë për mediat, theksoi rëndësinë e zgjedhjeve të 11 majit, duke e cilësuar këtë ditë si një mundësi për qytetarët shqiptarë që t’i japin një drejtim të ri vendit, duke mbështetur Aleancën për Shqipërinë Madhështore.

“5 prioritete për 4 milion shqiptarë”

Xhixho prezantoi programin “5 prioritete për 4 milion shqiptarë”, si pjesë e programit të opozitës, i cili synon:

✅ Strehim për familjet e reja

•Ndjekja e modelit hungarez për krijimin e një fondi banesash për çiftet e reja, përmes blerjes së banesave të pashitura.

•Kredi për blerje shtëpie me interesa të subvencionuara.

•Zbritje e kredisë:

•3,000 euro për fëmijën e parë

•6,000 euro për fëmijën e dytë

•10,000 euro për fëmijën e tretë

✅ Lehtësime ekonomike

•Rimbursim 5% për shpenzimet në ushqimet bazë.

•Dyfishim i pagave dhe pensioneve, me synimin për t’i çuar në mesataren e rajonit, bazuar në rritjen reale ekonomike.

✅ Investime në arsim

•Rritje e buxhetit për arsimin, duke arritur 5% të PBB-së, në krahasim me nivelin aktual, që sipas saj është më i ulëti në rajon.

•Mbështetje për kërkimin shkencor dhe përmirësim të cilësisë së arsimit.

“Më 11 maj votojmë ndryshimin”

Xhixho ftoi qytetarët të mbështesin Aleancën për Shqipërinë Madhështore, duke votuar numrin 1 në fletën e votimit, për të sjellë ndryshimin dhe për të ndëshkuar me votë ata që nuk mbajtën premtimet.