Një nga të ftuarat e veçanta në festën e organizuar me ish-konkurrentët e “Big Brother VIP Albania 3” dhe të tjerë miq të programit, ka qenë moderatorja Erjola Doçi. Erjola është një ndër personazhet më të dashura dhe të komentuar për publikun gjatë periudhës që ka qenë brenda shtëpisë së BBV.

Sot, në një rastësi të bukur, ajo feston ditëlindjen e saj. Për këtë arsye, gjatë “After Party”-t të “Big Brother VIP”, ajo mori një urim tepër të veçantë dhe emocionues. Ndërsa këngëtarja Fifi performonte në skenë, ajo dhe të gjithë pjesëmarrësit e tjerë u bashkuan për të kënduar njëzëri “Shumë Urime për Ty” posaçërisht për Erjolën.

Ky moment i ngrohtë dhe i veçantë shtoi akoma më shumë atmosferën festive të mbrëmjes, duke bërë që Erjola të ndjejë dashurinë dhe mbështetjen e miqve dhe kolegëve të saj.