Me një zarf të zi, i cili tashmë është një ‘makth’ për banorët, u eliminua dje nga shtëpia e Big Brother Vip, Ermiona Lekbello, e cila ishte kthyer në një personazh viral dhe të dashur për publikun. Së fundimi ajo ka reaguar me një status mirënjohës.
“Ju falenderoj të gjithë me zemër, që më mbështetët gjatë qëndrimit tim në shtëpinë e BBVA-2. Një falenderim i veçantë i shkon Luizit, që më ndenji afër dhe më përkrahu në këtë rrugëtim. Luizi u mundua gjatë gjithë natës të më ndalonte, për të mos dalë jashtë nga shtëpia, por ishte i pamundur qëndrimi im në atë shtëpi të rrethuar me hiena, duke përjashtuar Kristin dhe Keisin, që edhe ata i dua fort.
Më vjen keq që nuk jua plotësova dëshirën për të qëndruar deri në fund, por duke qenë e vërtetë, nuk mund të duroja hipokrizinë, falsitetin, kinematë dhe teatrin e kukullave 2-lekëshe. Sot ma keni mbushur shpirtin me shumë dashuri. Ju dua shumë! Aman se vdiqëm”, shkroi Ermiona.
