Deputeti i Partisë Demokratike, Ervin Salianji, ka reaguar ashpër ndaj qeverisë dhe ka bërë thirrje për pjesëmarrje masive në protestën e opozitës që do të mbahet sot para Kryeministrisë.

Në një mesazh të drejtpërdrejtë, Salianji ka deklaruar se sjellja e kryeministrit ka shkaktuar revoltë, ndërsa e ka cilësuar qeverisjen 12-vjeçare si burimin kryesor të zemërimit qytetar.

“Autokrati edhe pak orë përpara protestës po konfirmon sa e drejtë është lëvizja e opozitës dhe sa e qenësishme është bashkimi i njerëzve sot pasdite në Bulevard.”

Ai ka renditur disa nga arsyet kryesore pse qytetarët duhet të dalin në shesh:

 Fyerjet dhe gjuha e përdalë e kryeministrit duhet të ndëshkohen.
Korrupsioni dhe lidhjet e tij me krimin meritojnë ndëshkim.
Luksi i tij pervers në kurriz të popullit më të varfër të Evropës është i papranueshëm.

“Ndaj, autokratuc! Frymëzimi i kësaj proteste je ti, qeverisja dhe sjellja jote!”, u shpreh Salianji.

Në përfundim të mesazhit, deputeti demokrat ftoi të gjithë qytetarët, demokratët dhe miqtë e opozitës që t’i bashkohen protestës për të ngritur zërin ndaj padrejtësive dhe situatës së rëndë në vend.