Një aksident rrugor ka ndodhur në aksin Lezhë-Laç, në dalje të Urës së Milotit. Sipas informacioneve të para, dy automjete janë përplasur, duke lënë të plagosur dy persona, mes tyre edhe një grua.

Të lënduarit janë dërguar me urgjencë në spitalin e Lezhës, ku ndodhen nën kujdesin e mjekëve.

Bllokohet për 60 minuta aksi rrugor
Për shkak të aksidentit, qarkullimi në këtë segment ka qenë i bllokuar për rreth 60 minuta, duke shkaktuar trafik të rënduar.

Policia ndodhet në vendngjarje dhe po punon për zbardhjen e rrethanave të aksidentit.