Presidenti i Francës i bashkohet nxitjes për ndryshimin e politikave në NATO për të lejuar Ukrainën të sulmojë bazat ushtarake brenda Rusisë, ndërsa vendos trajnime për pilotët ukrainas.

Çështja e lejimit të sulmeve të Ukrainës në Rusi me armë të sofistikuara është një temë delikate që ka qenë në debat që nga fillimi i pushtimit rus më 24 shkurt 2022. Edhe pse udhëheqësit perëndimorë kanë qenë të kujdesshëm për të mos provokuar presidentin rus Vladimir Putin, presidenti francez Emmanuel Macron duket i vendosur.

Franca planifikon të furnizojë Ukrainën me avionë luftarakë-bombardues Mirage 2000-5 dhe të fillojë trajnimin e pilotëve këtë verë. Parisi po mbledh një koalicion për të furnizuar avionët, në mënyrë të ngjashme me vende të tjera evropiane që po bëjnë të njëjtën gjë me avionët F-16.

Mirage 2000 është një avion luftarak i shumë roleve me sukses të mirë në eksport dhe përfshin avionikë të avancuar dhe karakteristika të reja të zjarrit. Gjermania gjithashtu po merr seriozisht kërcënimin nga Rusia, duke planifikuar masat për të ndihmuar në një konflikt të mundshëm.

Plani i Gjermanisë për rastin e një konflikti të armatosur me Rusinë përfshinë transferimin e forcave aleate në krahun lindor të NATO-s, duke përgatitur qytetarët për të përballuar vështirësitë dhe spitalet për të pritur një numër të madh të pacientëve për një periudhë të gjatë kohore.