Familjarët e 61-vjeçares Fatjana Dajko, e cila u nda nga jeta tre ditë më parë, kanë ngritur akuza ndaj stafit mjekësor në spitalin rajonal të Fierit. Ata pretendohen se mjekët nuk i dhanë kujdesin e duhur nënës së tyre, e cila kishte shfaqur simptoma shqetësuese.
Klotina Topulli, e bija e Fatjana Dajkos, ka dhënë një përshkrim të ngjarjes në lidhje me mënyrën si u trajtua nëna e saj në urgjencën e spitalit. Sipas saj, e atin kishte marrë nënën e saj në spital në orën 10 pa dhjetë, pasi ajo kishte ndjerë shtërngim në gjoks dhe dhimbje në mes të shpatullave. Në spital, mjekët e kishin matur tensionin dhe oksigjenin, i kishin bërë një qetësues dhe i kishin vendosur një hapje nën gjuhë.
Përkundër simptomave të shqetësuese dhe ndihmës të ofruar, pasi qëndroi 10 minuta shtrirë, mjekët i thanë të ngrihej dhe të ulej te stolat në korridorin e urgjencës. Më vonë, kur e moshuara kërkoi të maten përsëri tensioni i saj, ajo raportoi se doktorja e kishte refuzuar duke i thënë se nuk kishte asgjë dhe se po përjetonte ankth dhe stres.
Familjarët e Dajkos po kërkojnë përgjegjësi për atë që ata e përshkruajnë si një trajtim të papërshtatshëm dhe të pamjaftueshëm në një moment kritik.
Kur doli nga dera e spitalit ajo po ndihej më keq.Kur erdhi në shtëpi tha po ndihem akoma më keq prej ilaçeve,nuk ndihem mirë. E pamë që u bë më keq rreth orës 19 e 30 kemi marrë ambulancën, e pamë që ambulanca po ashtu…morëm makinën tonë dhe e çuam. Sa arritëm te dera e spitalit mamaja ka vdekur, ajo kishte hemorragji nga hundët, nga goja si mund të thonë ata që ka vdekur për shkaqe të panjohura, natyrale, kur ne e kemi paraqitur në 10 pa dhjetë në spital.
Duhet të marrë masat shteti, mos e pastë fatin asnjë siç e pati mamaja ime nga doktorët. Nuk vuante nga asgjë, ishte 61 vjeç, mbushi atë ditë që vdiq. Në spital nuk i bënë asgjë, kur kam hyrë në 19:30 në spital që mamaja ime sa hyri te dera e spitalit ishte e vdekur ata kanë marrë EKG-në t’ia bënin. Kam bërtitur me të madhe të hapin kamerat, të shikohen. Ku u gjet EKG-tani pse nuk ju bë kur ishte e gjallë.Nuk i kanë bërë asgjë, e bënë më keq.
