Familjarët e Daut Laze, 49-vjeçarit që u arratis nga burgu i Shënkollit dy ditë më parë, kanë mohuar të kenë ndonjë informacion mbi vendndodhjen e tij. Ata jetojnë në zonën e Astirit, në Tiranë, ndërsa Policia vijon kërkimet për kapjen e tij.

Nëna e Lazes ka deklaruar se nuk kanë pasur asnjë kontakt me të që nga momenti i arratisjes. “Laze nuk ka ardhur në shtëpinë e tij”, është shprehur ajo.

Duke qenë se 49-vjeçari njihet si person besimtar, kontrolle janë ushtruar edhe në xhami dhe ambiente të tjera fetare në Tiranë.

Ndërkohë, mëngjesin e së mërkurës, tre oficerë të Policisë së Burgjeve janë arrestuar, pasi ishin në detyrë në momentin kur Laze përfitoi nga neglizhenca e tyre për t’u larguar nga ambientet e burgut. Kërkimet për kapjen e tij vijojnë.