Pas arrestimit të dy personave në Korçë, nën dyshimin se kanë abuzuar seksualisht me një 16-vjeçare, kanë reaguar edhe familjarët e tyre. Xhaxhai i Marselit Baçi, njërit prej të arrestuarve, ka hedhur akuza të rënda ndaj të miturës, duke thënë se nipi i tij e ka dashur dhe nuk e ka shfrytëzuar.
Xhaxhai akuzon një bashkëfshatar, 41-vjeçarin Selam Hyka, si nxitësin kryesor të situatës, duke pretenduar se ai e njohu Marselin me vajzën. Ai deklaron se Marseli e kishte vajzën të dashur dhe se lidhja e tyre ishte e bazuar në dashuri reciproke. Sipas tij, vajza kishte shumë kontakte me persona të tjerë dhe nëna e saj kishte ndërmarrë veprime për të denoncuar Marselin.
Familjarët e Marselit kanë tentuar të bisedojnë me nënën e vajzës për të tërhequr akuzat, por përpjekjet e tyre nuk kanë pasur sukses. Xhaxhai thekson se familja e tij nuk ka mundësi financiare për të përballuar një proces gjyqësor të gjatë dhe kompleks. Ai mbron nipin e tij duke theksuar se Marseli nuk është personi që përshkruhet në akuzat e ngritura dhe se lidhja e tij me vajzën ishte një histori dashurie.
“Nipin ma mori në qafë 41-vjeçari Selam Hyka, ai e njohu me çupën. Marseli e kishte të dashur. Familjarët kanë shkuar në Leminot të ballafaqohen me nënën e çupës që të tërheqë akuzat. Unë e kam nip. Marseli kishte vajtur në Leminot, kishte pirë, e kishte të dashur dhe e donte. Këta paskan hapur llafe dhe e kanë bërë shitës, ai nuk është ashtu, është djalë i mirë, i sjellshëm, as nuk është ngatërruar asnjëherë.
Ajo është një budallaçkë, kishte mbi 10 njerëz që i shkonin asaj. Ajo kishte edhe ditëlindjen, djali i shpuri dhurata, ata ishin të dashur, tani ajo, e ëma ja bëri, çupën nuk e la të fliste fare. E ëma e kishte denoncuar në Maliq dhe e kishte bërë shitës. Kishin 1 vit që njiheshin. Kanë shkuar e ëma dhe i vëllai në Leminot për t’u sqaruar me nënën e 16-vjeçares, që të heqin denoncimin. Edhe vajza në Leminot është.
Edhe ne u paraqitëm në Korçë, folëm edhe me avokatin, ne s’kemi as lekë për t’i shkuar gjërave deri në fund. Ne e dinim si histori, e donte atë. Na erdhi policia dje, kërkoi djalin dhe e mori, ai ishte edhe i pirë. Me 41-vjeçarin Selam Hyka kishte njohje, është nga fshati i çupës nga Leminoti. Ai e mori më qafë djalin, ai e njihte vajzën dhe njohu edhe djalin me të.
Unë i thoja shumë herë mos shko se do të ngelë në derë, por nuk më dëgjoi. Nuk më pyeti. Në shtëpi nuk e kishte sjellë asnjëherë, as nuk ja vlente ta sillte, ishte budallaçkë. Se si u ngatërrua ai me të, nuk e di. Nipi 26 vjeç, ajo 15, nuk ja vlente, ja si e ngatërroi. Akuza është shumë e rëndë. Nuk është nipi im për atë punë. Nuk ja vlen me të”, deklaron ai.
