Fatmir Xhafaj, një nga figurat kyçe të Partisë Socialiste, i cili kohët e fundit ka qenë në qendër të kritikave për përpjekjet e tij për të penguar punën e SPAK, është sot një kandidat i PS për deputet në listën e hapur për Tiranën. Pas disa muajsh përpjekjesh për të mbrojtur pozitat e tij, Xhafaj zhvilloi së fundmi një takim me socialistët e njësisë numër 10 në kryeqytet, për të organizuar punën e fushatës në prag të zgjedhjeve të 11 Majit.

Në këtë kontekst, Fatmir Xhafaj ka demonstruar edhe njëherë se është një bashkëpunëtor i ngushtë i Erion Veliajt, kryebashkiakut të Tiranës, të cilit i është dalë në mbrojtje që nga arrestimi i tij më 10 shkurt. Ndërkohë, Xhafaj është parë të zhvillojë takime edhe me Enton Punavijën, drejtorin e 5D, një kompani që ka lidhje me disa skandale dhe akuzat për korrupsion.

Enton Punavija është i akuzuar nga SPAK për veprat penale të lidhura me shkeljen e barazisë së pjesëmarrësve në tendera dhe ankande publike, akuza që lidhen me fonde të shtetit të përvetësuara në mënyrë të paligjshme. Aty ku Xhafaj, dikur i njohur për përpjekjet e tij për të promovuar Reformën në Drejtësi, sot po bën fushatë me njerëz që janë të përfshirë në skandale korrupsioni.

Ky aktivitet i Xhafajt ka nxitur dyshime mbi integritetin e tij dhe të lidhjeve të tij me individë të përfshirë në korrupsion, dhe ngre pikëpyetje për qëndrimin e tij në pozita të rëndësishme politike.