Qindra fermerë francezë kanë bllokuar qendrën e Parisit për të dytën javë me radhë, duke shprehur pakënaqësi ndaj marrëveshjes së re tregtare midis Bashkimit Evropian dhe Mercosur – grupimit të vendeve të Amerikës së Jugut që përfshin Argjentinën, Brazilin, Uruguain dhe Paraguain.

Që në mëngjes, rreth 350 traktorë marshuan drejt pikat kyçe të kryeqytetit, duke arritur tek Harku i Triumfit dhe Pont de la Concorde, pranë Asamblesë Kombëtare. Fermerët shkarkuan mbi 30 ton patate si akt simbolik proteste, duke denoncuar kërcënimin që, sipas tyre, marrëveshja përbën për qëndrueshmërinë e bujqësisë franceze.

Protestuesit argumentojnë se marrëveshja do të hapë tregjet evropiane ndaj importeve me kosto më të ulët dhe standarde të ndryshme mjedisore dhe të punës, duke krijuar konkurrencë të padrejtë dhe duke rrezikuar çmimet e prodhimeve vendase.

Kjo mobilizim është pjesë e një vale më të gjerë protestash në Francë dhe vende të tjera të BE-së, ku fermerët e kritikojnë marrëveshjen si një “levë për degradimin” e sektorit bujqësor. Megjithatë, në nivel të Bashkimit Evropian, marrëveshja ka marrë miratimin e shteteve anëtare, pavarësisht kundërshtimeve nga Franca, Polonia dhe Austria.