Pas një periudhe të gjatë shkëputjeje nga muzika dhe një përkushtimi ndaj fesë, reperi Fero ka paralajmëruar rikthimin e tij me një projekt të ri. Në një video të postuar në Instastory, ai ka ndarë një pjesë të këngës, ku shprehet se motivimi i tij kryesor është vajza e tij, të cilën thotë se nuk e ka parë prej tetë muajsh.

Kënga e re duket të ketë një ngarkesë emocionale të fortë, duke përfshirë referenca ndaj jetës së tij personale dhe përplasjes me ish-partneren, Arbenita Ismajli. Në vargjet e publikuara, Fero nuk ngurron t’i drejtohet ashpër modeles, duke e akuzuar për “skena” dhe duke përmendur edhe betejën ligjore për kujdestarinë e vajzës së tyre.

Në mënyrë të papritur, reperi përmend edhe avokaten e Arbenitës, Blinera Osmani, e cila është motra e Presidentes së Kosovës, Vjosa Osmani. Në tekst, ai lë të kuptohet se prania e saj në këtë proces mund të ketë ndikuar në situatën e tij.

“Se kom pa çikën qe 8 muaj, ku* po bon skena, i qoj të fala motrës t’Presidentes…”**, dëgjohet të thotë ai në pjesën e shkurtër të këngës që ka ndarë me ndjekësit.

Reagimet për projektin e ri të Feros kanë qenë të shumta, ndërsa fansat presin me kuriozitet publikimin e plotë të këngës, e cila pritet të sjellë një rikthim të bujshëm të reperit në skenën muzikore.