Një 38-vjeçar është ndaluar nga policia në Fier pasi dyshohet se ka përndjekur një 28-vjeçare. S.R., banues në Levan, u ndalua nga specialistët për Hetimin e Krimeve të Komisariatit të Policisë në Fier. Dyshohet se ka përndjekur dhe kërcënuar për një vit një shtetase 28-vjeçare.

Ndërsa në Lushnje, procedimi në gjendje të lirë nisi për E.B., 56 vjeç, banues në fshatin Ngurrëz e Madhe, pasi dyshohet se ka dhunuar psikologjikisht nipin e tij.

Specialistët për Hetimin e Krimeve të Komisariatit Lushnjë referuan materialet në Prokurori, ku nisi procedimi në gjendje të lirë për shtetasin E.B., 56 vjeç, banues në fshatin Ngurrëz e Madhe, pasi dyshohet se ka ushtruar dhunë psikologjike ndaj nipit të tij.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.