Fituesi i Festivalit të Sanremos 2025, këngëtari Olly, ka vendosur të mos përfaqësojë Italinë në Eurovision, që do të mbahet këtë vit në Bazel, Zvicër. Lajmin e ka bërë të ditur vetë artisti përmes një postimi në rrjetet sociale, ku ka shpjeguar arsyet e tërheqjes së tij.

“Kam vendosur të heq dorë nga mundësia për të marrë pjesë në Eurovision, me vetëdijen se është një nga ato gjëra që ndoshta ndodh vetëm një herë në jetë. Për mua, ky vendim është mënyra ime për të dëgjuar veten dhe ndoshta edhe mënyra ime e shtrembër për të thënë faleminderit. Disa do të thonë se po heq dorë nga një ëndërr, mirëpo mendoj se thjesht kam zgjedhur ta jetoj atë në kohën time,” shkroi Olly në deklaratën e tij.

Pas tërheqjes së tij, RAI ka vendosur që Italia të përfaqësohet nga Lucio Corsi, i cili u rendit në vendin e dytë në Sanremo me këngën “Volevo essere un duro”. Corsi ka pranuar me entuziazëm këtë mundësi, duke e quajtur një ëndërr të bërë realitet.

Eurovision 2025 do të mbahet në Bazel, Zvicër, me finalen e madhe të planifikuar për 10 maj.