Kryeministri Edi Rama ka uruar sot 34-vjetorin e themelimit të Partisë Socialiste të Shqipërisë, duke i dërguar urimet e tij të përzemërta gjithë anëtarëve të kësaj force politike.

Në një postim në rrjetet sociale, Rama shkruan:

“Mirëmëngjes, dhe me këtë simbol të flamurit të socialistëve e progresistëve shqiptarë, që në këtë 34-vjetor të valëvitjes së tij është ngjitur më lart se asnjëherë falë 856 mijë e 177 zemrave, të cilat u bënë bashkë për Shqipërinë 2030 në BE, ju uroj gëzuar ditëlindjen e Partisë Socialiste të gjithë anëtarëve të familjes sonë të madhe politike, si edhe një ditë të mbarë të gjithë të tjerëve pa përjashtim.”

Mesazhi i kryeministrit thekson përkushtimin e Partisë Socialiste ndaj aspiratave europiane të vendit dhe bashkimin e qytetarëve për një Shqipëri më të mirë në vitin 2030.