Shoku i Renatos, 34-vjeçarit nga Shqipëria, i cili kryeu një akt të tmerrshëm duke vrarë ish-partneren e tij Suela Saliaj dhe më pas duke rrëmbyer vajzën e tyre 8-vjeçare, ka rrëfyer në një emision televiziv detaje të reja mbi ngjarjen e rëndë.
Ai zbuloi se Renato dhe Suela kishin probleme në marrëdhënien e tyre që prej vitit 2018-2019 dhe se ky periudhë ishte shënjuar nga tradhtia. Sipas tij, Suela e kishte tradhëtuar Renaton me një koleg të tij, duke sjellë tensione dhe mosmarrëveshje mes tyre.
Shoku i Renatos vijoi rrëfimin duke theksuar se marrëdhënia midis tyre ishte e tensionuar dhe se Suela nuk e lejonte Renaton të shikonte vajzën e tyre. Po ashtu, shoku u shpreh se Renato kishte filluar të konsumonte lëndë narkotike dhe ishte duke përdorur dhunë ndaj prindërve të tij.
“Me Renaton ishim shokë të ngushtë, jemi rritur bashkë këtu në Lakeëood Ohio që në 2002-shin. Reanto dhe Suela kanë patur probleme tradhtie që nga vitet 2018-2919. Tradhtia ishte me një koleg që Renato shiste siguracione jete dhe për këtë arsye ata u zhvendosën në Floria, dhe kur ai zbuloi tradhtinë, e la punën te siguracionet dhe bëri punë të ndryshme.
Nuk e di nëse e kishte falur, por mesa duket jo. Kohët e fundit nuk e lejonte të shikonte vajzën. Por kurrë nuk ka shprehur asgjë për këto që bëri. Nuk e di nëse ka qenë konsumator i lëndëve narkotike”, tha ai.
Shoku i Renatos ka rrëfyer se biseda e tyre e fundit ka qenë në korrik të 2023-shit. Një tjetër shok i tyre, i ka deklaruar se Renato prej dy vitesh ishte konsumator i lëndëve narkotike dhe se ushtronte dhunë ndaj prindërve të vetë.
“Në korrik të 2023-shit ka qenë hera e fundit e kontaktit me Renaton. Dhe nuk kishte shenja të tilla. Dhe as nuk shprehu gjë. Kur fola me A* (një mik tjetër) të hënën më tha: “nuk i hedh faj Renatos se e shkatërroi ajo”. Renato ishte djalë flori. Gjithmonë i qeshur e të përgjigjej në çdo gjë. Ajo iku dhe Renatos i iku jeta.
E shkreta vajza që humbi të dy prindërit. Viktima nuk ka faj, autori ka gjithmonë faj. Të gjithë e dinin dhe e dinë për tradhtinë. Por tani vonë mësova që ajo nuk e lejonte të takonte vajzën. Fola me një shok. Dhe më tha: “Suela shkonte mirë prindërit e Renatos dhe ai kishte dy vjet që konsumonte lëndë narkotike dhe kishte dhunuar prindërit e vet disa herë dhe ata nuk e kishin denoncuar. Para nja dy javësh kishte goditur të atin e vet dhe kishte frakturë në nofull.
Ata prapë nuk e kishin raportuar. Dhe kësaj radhe kishte ardhur me mendje për të marrë vajzën”, rrëfeu ai në një intervistë televizive.
