Kantautori i njohur Flori Mumajesi vazhdon të qëndrojë larg vëmendjes publike dhe industrisë muzikore. Prej kohësh ai nuk ka publikuar projekte të reja, nuk është aktiv në rrjetet sociale dhe madje ka fshirë këngët e tij nga YouTube.

Fansat e tij kanë shpresuar për një rikthim, por siç kanë treguar edhe miqtë e tij të ngushtë, Bruno dhe Klajdi Haruni, Flori nuk dëshiron të rikthehet më në muzikë.

Së fundmi, kantautori ka ndarë një mesazh të mistershëm përmes një InstaStory, ku shfaqet një sekuencë e regjizorit të madh Alfred Hitchcock duke thënë: “Asnjëherë mos ja ktheni shpinën një shoku. Natën e mirë.” Në fund të videos, Hitchcock kthen shpinën dhe shihet me një thikë të ngulur.

Ky mesazh i paqartë ka ngritur pikëpyetje te fansat dhe ndjekësit e tij. A është një shenjë zhgënjimi nga miqtë apo industria muzikore? Kujtojmë që më herët, Flori është shprehur se ndjen se muzika e tij nuk është vlerësuar sa duhet.

Për momentin, mbetet për t’u parë nëse ky është një mesazh i rastësishëm apo një sinjal për një rikthim të mundshëm të tij në skenën muzikore.