Zëdhënësja e Partisë Demokratike, Floriana Garo, gjatë fjalimit të saj në Foltoren përpara Kryeministrisë, deklaroi se shteti nën drejtimin e Edi Ramës ka rënë dhe situata po ndikohet nga bashkëpunëtorët e tij, të cilët ose ndodhen në burg, ose përballen me akuza të rënda.

Garo theksoi se qytetarët ndjejnë pasojat e kësaj qeverisjeje në jetën e përditshme, shëndet, arsim dhe mundësi ekonomike, ndërsa të rinjtë largohen nga vendi për shkak të pamundësisë për të jetuar këtu. Ajo shtoi se mbështetja ndërkombëtare për qeverinë nuk është më e njëjtë, duke nënvizuar se rënia e këtij regjimi nuk është pyetje “a do të ndodhë”, por “kur do të ndodhë”.

Sipas Garo, qytetarët dhe opozita kanë përgjegjësi aktive për të realizuar këtë ndryshim përmes qëndresës dhe protestave, ndërsa Partia Demokratike pozicionohet si alternativa më e fortë për zgjedhje të lira dhe demokraci funksionale.