Burime nga pika e kalimit kufitar të Kapshticës raportojnë se vetëm dje janë regjistruar 7314 hyrje nga vendi fqinj, një numër rekord për këtë sezon turistik. Për të përballuar këtë fluks të madh, janë përdorur 4 sportele dhe procedura të përshpejtuara.

Nga ana tjetër, në 24 orët e fundit, 4407 shtetas kanë dalë nga Kapshtica në drejtim të Greqisë. Edhe në pikën kufitare të Qafë Thanës, fluksi ka qenë i lartë me rreth 13 mijë shtetas që kanë lëvizur në të dy anët e kufirit një ditë më parë.

Ky rritje e fluksit në dy pikat kryesore të kalimit kufitar në juglindje të Shqipërisë është e lidhur me shqiptaret e Maqedonisë së Veriut dhe ata që jetojnë në Greqi që kalojnë pushimet në bregdetin shqiptar. Për të reduktuar radhët e gjata në Qafë Thanë, janë përdorur 5 sportele në hyrje.