Autoritetet njoftuan se festa e Pashkës Ortodokse ka sjellë një fluks të shtuar të kalimtarëve në hyrjen e pikës kufitare të Kapshticës. Shqiptarët që jetojnë dhe punojnë në Greqi kanë zgjedhur të kthehen në vendlindje për të festuar Pashkën Orthodokse, e cila do të mbahet të dielën më 5 maj.

Gjatë 24 orëve të fundit, nga ky pikë kalimi janë regjistruar 6258 hyrje dhe 2480 dalje. Në përpjekje për të menaxhuar këtë fluks, policia planifikon të punojë me sportele të alternuara në varësi të volumit të kalimtarëve për të shmangur radhët dhe pritjet e gjata.