Të paktën 10 persona janë vrarë dhe 15 të tjerë  janë plagosur pasi forcat ruse bombarduan një fabrikë në qytetin Avdiivka, në Ukrainën lindore.

Lajmi është konfirmuar nga guvernatori i Donetsk, Pavlo kyrylenko.

Kyrylenko tha në një postim në mediat sociale se punëtorët po prisnin në stacionet e autobusëve jashtë fabrikës pas ndërrimit të turneve kur filloi bombardimi.

“Rusët e dinin saktësisht se kë po synonin”, shtoi ai.

Ndërkohë në Mariupol 200 civilë mbeten të bllokuar në fabrikën e çelikut Azovstal.

Operacioni pesë-ditor për evakuimin e grave, fëmijëve dhe të moshuarve nga fabrika e çelikut u koordinua nga Kombet e Bashkuara dhe Komiteti Ndërkombëtar i Kryqit të Kuq.