Ish-kreu të rajonit të Donetsk, Serhiy Taruta duke folur në një intervistë në televizionin ukrainas, ka theksuar se në Teatrin e Mariupolit kanë qenë 130 persona kur u bombarduan nga trupat ruse. Sipas tij, të 130 personat janë arritur të shpëtohen.

“Njerëzit e bënë gjithçka vetë. Miqtë e mi dhanë ndihmën e tyre, por për shkak të sulmeve të vazhdueshme nuk ishte e sigurt. Njerëzit po pastrojnë vetë rrënojat. Nuk ka asnjë operacion shpëtimi, sepse të gjitha shërbimet që duhet të shpëtojnë njerëzit, t’i trajtojnë apo t’i varrosin, janë shërbime që nuk ekzistojnë më”, u shpreh ai.

Autoritetet në Mariupol thanë se ende nuk është e mundur të vlerësohet numri i viktimave nga sulmi që ndodhi mbi godinën e teatrit ku strehoheshin 130 personat.