Detaje të reja kanë dalë nga ngjarja e rëndë që ndodhi mbrëmjen e së shtunës në Tiranë. Deri në këtë fazë të hetimeve, policia dyshon se kemi të bëjmë me një vetëvrasje.

Mario Rroshi, 31-vjeçari, ka ardhur me një monopatëm, të cilën e ka lënë poshtë pallatit pranë ambulancës në rrugën e Kavajës. Sipas policisë, ai është ngjitur më pas në sheshpushimin e katit të pestë, ka lënë xhupin e tij në shkallët e pallatit dhe është hedhur nga lartësia.

Ka dyshime se ai mund të ketë vuajtur nga depresioni, duke i shtuar kompleksitetin e situatës. Sipas të gjitha hetimeve deri tani, rezulton se i riu nuk kishte pasur konflikte të njohura. Edhe dy prindërit e tij, në dëshminë që kanë dhënë, nuk kanë deklaruar për konflikte që mund të kenë ndikuar në veprimet e djalit të tyre.

Megjithatë, policia po vazhdon hetimet për të zbardhur të plota shkaqet e kësaj ngjarjeje tragjike, duke u fokusuar në çdo detaj që mund të ndihmojë në sqarimin e situatës dhe në identifikimin e faktorëve që mund të kenë kontribuar në këtë akt.